Barcelona duket se do të rivalizojë Real Madrid në garën për lojtarin e Paris Saint Germain, Kylian Mbappe.
E ardhmja e Mbappe gjithmonë përflitet, pavarësisht se afati kalimtar nuk është hapur ende. Viteve të fundit francezi është i lidhur ngushtë me transferimin e tij te Real Madridi, pasi që fëmijë ai ishte tifoz i ‘Mbretërve’.
Në fund të këtij sezoni, Mbappe do të jetë i lirë, pasi i skadon kontrata me Paris Saint Germain, por e ardhmja e tij mbetet ende e paqartë. Përveç Real Madridit, në garë për lojtarin është futur së fundmi edhe rivali i tyre më i madh, Barcelona.
Sipas gazetës franceze ‘L`Equipe’, presidenti Joan Laporta, ka filluar të bëjë gjithçka që mundet për ta joshur Mbappenë për të kaluar te Barca.
Duhet të pritet fundi i sezonit për të parë se a do të transferohet më në fund te Real Madridi, apo do ti befasojë të gjithë dhe do të shkojë te Barcelona.
