Fitorja e mbrëmshme e Real Madrid me protagonist absolut Karim Benzema nuk mund të kalonte pa u vënë në qendër të mediave kryesore sportive në botë dhe sot në faqet e para të tyre qëndron triumfi i madrilenëve me sulmuesin francez.
Ai realizoi tripletën e dytë radhazi dhe me formën që po kalon duket se do të jetë një nga kandidatët potencialë për topin e artë të këtij sezoni.
Ndërkohë këto janë disa nga titujt e gazetave më të njohura sportive:
“Big Ben” e quan Marca bomberin francez ose thënë në shqip ”Beni i madh”, ndërkohë që hapësirë i kushtohet edhe fitores së madhe të Villarealit ndaj Bayernit.
“AS” hapet me titullin “Mbretërit e Europës” dhe në fokus është Karim Benzema duke përfaqësuar Los Blancos që në këtë kompeticion kanë shkëlqyer gjithmonë dhe janë skuadra më më shumë trofe.
“Mundo Deportivo” ka në qendër të saj Barcelonën për sfidën ndaj Eintracht Frankfurt me titullin “Vazhdoni me këtë brez”.
“L’Equipe” e quan “Tripleta e artë” tregolëshin e Benzema, i cili me performancën e këtij sezoni ka hedhur kandidaturën për Topin e Artë.
“Big Ben” ka vendosur ta titullojë edhe “Sun Sport” në Angli sulmuesin francez.
Ndërkohë, gazetat e njohura italiane kanë në fokus merkaton e klubeve italiane me La Gazzeta dello Sport që mban titull kryesor: “Një partner për Vlahovic” dhe tregon për interesimin e Juventus mbi Raspadorin.
“Corriere dello Sport” flet për të ardhmen e Dybala dhe thotë se sulmuesi argjentinas do të vendosë midis Milanos ku e pret Interi, por edhe Milan ngelet i interesuar dhe Premier League me një sërë skuadrash të interesuara për të.
“Juventus kërkon shigjetën” është titulli i Tuttosport që flet për interesimin e bardhezinjve mbi brazilianin e krahut të majtë të Atletico Madrid, Renan Lodi.
