Champions League vazhdon të jetë në fazat “e nxehta”. Atletico Madrid nuk arriti të fitonte mbrëmjen e djeshme kundër Manchester City, i cili gjen në gjysmëfinale Real Madrid-in. Ndërsa Barcelona do të luftojë sonte kundër Eintracht Frankfurt për të shkuar në gjysmëfinalen e Europa League.
Ja si janë hapur titujt kryesorë të gazetave sportive më të medha në Europë.
Gazeta spanjolle ‘Sport’ vjen me titullin: “Bëjeni një natë magjike”/ Barça duhet të tregojë versionin më të mirë të saj për të shkuar në gjysmëfinalen e Europa League.
‘Marca’ shkruan: “Zemër pa çmim”/ Atletico u përpoq deri në fund ndaj Manchester City-t që nuk luajti fare.
E përditshmja spanjolle ‘AS’ shkruan: “Mungonte shumë pak”/ Një Atletico i madh ishte një hap larg shtyrjes së kohës shtesë kundër një Manchester City të “tkurrur”.
‘Mundo Deportivo’ hapet me titullin: “Ia vlen vetëm të fitoni”/ Barça i beson Camp Nou për të hyrë në gjysmëfinalen e parë evropiane që nga viti 2019.
‘L’esportiu’ shkruan: “Fundi i çdo dite”/ Barça hyn në rrugën për në gjysmëfinalen e Europa League në një tjetër lojë të rëndësishme.
Gazeta angleze ‘Mirror Sport’ shkruan: “Të çmendur, të këqinj dhe të rrezikshëm”/ Blutë e dëmtuar qëndrojnë të vendosur kundër Atletico-s së turpëruar për të fituar në gjysmëfinalen me Realin.
Gazeta italiane ‘Tutto Sport’ hapet me titullin: “Pakti sekret”/ Allegri po mbledh rezultate të ngjashme me ato të Pirlos, por e ardhmja e tij në Juventus nuk është në rrezik. Agnelli dhe drejtuesit e tjerë vlerësojnë rritjen e ekipit që nuk e panë një vit më parë.
E përditshmja italiane ‘La Gazzetta dello Sport’ shkruan: Ekskluzive Totti: I dashur Ibra vazhdo por… / Askush nuk mund ta kuptojë atë si unë, te Milani është ende i rëndësishëm, por vendimi duhet të merret në bazë të përgjigjeve të trupit të tij.
