Lajm i fundit/ Anglia vendos ekstradimin e Julian Assange në SHBA

113 563 lexime

124,178FansaPëlqeje

Një gjykatë britanike vendosi të pranojë kërkesën e SHBA-ve për ekstradimin e themeluesit të Wikileaks Julian Assange përtej Atlantikut.

AFP raporton se vendimi është marrë mesditën e sotme dhe Assange do të gjykohet në SHBA për nxjerrje të sekreteve shtetërore në lidhje me luftën ne Irak dhe Afganistan.

Vendimi nuk është final, pasi Assange ka të drejtën e apelimit në një nivel gjykate më të lartë.

Bashkëthemeluesi i Wikileaks u shfaq me lidhje video gjatë seancës gjyqësore në Westminster, të cilën një nga avokatët e tij e përshkroi si një “moment të shkurtër, por domethënës në këtë çështje”.

Seanca e shkurtër po zhvillohej pasi gjykata supreme muajin e kaluar refuzoi apelimin e Assange kundër ekstradimit të tij. Ai kishte kërkuar të kundërshtonte një vendim të gjykatës së lartë në dhjetor që vendosi se ai mund të ekstradohej pas garancive nga autoritetet amerikane në lidhje me kushtet e burgut të tij atje.

Goldspring i tha Assange: “Uunë jam i detyruar t’ia dërgoj çështjen tuaj Sekretarit të Shtetit për një vendim”.

Assange, i veshur me një xhaketë dhe kravatë, u shfaq përmes një lidhjeje video nga burgu Belmarsh, ku u martua muajin e kaluar me partneren e tij, Stella Moris, dhe foli vetëm për të konfirmuar emrin dhe datën e lindjes.

Akuzat dhe arrestimi

Policia angleze e arrestoi themeluesin e Wikileaks-it, Julian Assange brenda ambasadës së Ekuadorit. Policia tha se u ftuan në ambasadë nga ana e ambasadorit të Ekuadorit pasi paraprakisht qeveria e këtij vendi e tërhoqi statusin e azilit për Julian Assange.

Lexo edhe :  Mbi 81 persona të vdekur, rëndohet bilanci tragjik i përmbytjeve në Teksas

Kryeministrja e Britanisë së Madhe, Theresa May, tha se arrestimi i Julian Assange tregon se “askush nuk është mbi ligjin”.

Assange është fshehur në Ambasadën e Ekuadorit në Londër që nga viti 2012, për të iu shmangur ekstradimin në Suedi ku akuzohej për sulme seksuale dhe pretendimet për përdhunimet e dy grave në vitin 2010.

Prokurorët suedezë e liruan nga akuzat gjatë vitit të kaluar, por Assange ishte ende subjekt i një urdhër arresti britanik për shkelje të rregullave të lirimit me kusht në vitin 2012.

Ai fillimisht u mirëprit në ambasadë, por pasi në Ekuador pati ndryshime në përbërjen e qeverisë, autoritetet filluan të reduktonin kontaktet e tij me të huajt dhe të zvogëlonin qasjen e tij në Internet.

Presidenti i Ekuadorit, Lenin Moreno, tha se e tërhoqën azilin diplomatik për shkak të shkeljeve të përsëritura të konventave ndërkombëtare.

Britania i ka dhënë Ekuadorit një garanci se themeluesi i Wikileaks nuk do të ekstradohet në ndonjë vend, ku mund të dënohet me vdekje, tha Presidenti Moreno.

Të fundit

Rama reagon pas lirimit të hapësirave në Vlorë: Një tjetër sipërfaqe u kthehet turistëve

Kryeministri Edi Rama ka postuar foto të tjera nga Vlora, ku shihet lirimi i hapësirave publike, kryesisht në Lungomare...

‘Gjuetia’ ndaj emigrantëve, SHBA i kërkon autoriteteve 3 mijë arrestime në ditë

“Tremijë arrestime në ditë”. Është Stephen Miller, nënkryetar i stafit të Shtëpisë së Bardhë dhe ideologu kryesor i politikave të imigracionit të Trumpit, ai që...

Djali i “El Chapo” pranon fajësinë në SHBA, do të dënohet më pak se babai i tij

Një nga djemtë e narkobosit meksikan, Joaquin “El Chapo” Guzman, bashkëthemelues i kartelit Sinaloa, Ovidio Guzman Lopez, ka pranuar fajësinë para një gjykate amerikane,...

BE dhe SHBA në prag të përçarjes tregtare/ Tarifat e Trump shkaktojnë krizë

Evropa po pret letrën e re të Donald Trump në lidhje me përditësimin e tarifave, ndërsa Brukseli po përgatitet të propozojë vendosjen e një...

BE ‘godet’ konsumatorët e duhanit/Rritje e madhe taksash për cigaret në të gjithë unionin

Bashkimi Evropian po përgatit një goditje fiskale të paprecedentë ndaj duhanit. Akcizat do të rriten me mbi 1,000%, taksa të reja mbi cigaret elektronike dhe...

Lajme të tjera

Web TV