Nga fundi i kampionateve e deri tek zërat e merkatos, janë temat e nxehta të trajtuara nga gazetat prestigjioze sportive.
Më poshtë janë edhe titujt kryesorë të tyre:
“SPORT” hapet me titull kryesor “Zgjidhja Ansu”, për rikthimin e sulmuesit të talentuar spanjoll në dispozicion të Xavi-t.
“Ata duan të vijnë”, është titulli i “Mundo Deportivo” e cila i referohet Cezar Azpiliqueta-s dhe Marcos Alonsos, me dy futbollistët e Chelsea që dëshirojnë ti bashkohen Barcelonës, që nga ana e saj ka pasur një interesim konkret për dy futbollistët.
“Mund të ëndërrosh me këtë Villarreal”, shkruan Marca për sfidën e skuadrës së Emery ndaj Liverpoolit të Klop.
“Ancelotti ka një plan” shkruan “AS” për supersfidën e nesërme të Real Madrid ndaj Manchester City-t në “Santiago Benabeu”.
“Olimpique Marseille është e frikësuar” shkruan prestigjiozja “L’Equipe”.
“Shtatat madhështorë” mban titullin kryesor në faqe të parë “Mirror Sport” duke patur në fokus Cristiano Ronaldon që nuk rresht së shënuari me Manchester United dhe Ronnie O’Sullivan, i cili fitoi titullin e 7-të botëror në Snoker ditën e djeshme.
“W-Miretti” është Titulli i “Tuttosport”, që flet për talentin e Juventusit që debutoi ndaj Venezias dhe mahniti me performancën e tij.
“Leao sheik”, shkruan “La Gazzeta dello Sport” për talentin e Milanit, i cili pritet të rinovojë me kuqezinjtë së shpejti.
“Gjyqtarët dhe VAR-i një tjetër fatkeqësi”, është titulli i “Corriere dello Sport” që vijon artikullin e saj: “Pairetto dhe Nasca u pezulluan deri në fund të kampionatit. Shkëndijat Mou-Lotito”.
