Avioni që supozohej të fluturonte nga aeroporti Ben Gurion i Tel Avivit është tërhequr nga udhëtimi pasi diçka e çuditshme ndodhi.
Në celularët e të gjithë pasagjerëve që ndodheshin në avion, erdhi një foto me një avion të rrëzuar. Dhe sipas autoriteteve dyshohet se kanë qenë 9 pasagjerë që kanë dërguar këtë foto tek të tjerët për të ngjallur panik.
Sipas policisë, nëntë të dyshuarit janë shtetas izraelitë dhe ata u detyruan të zbarkonin dhe mund të ndiqen penalisht për përhapjen e informacionit të rremë të dënueshme me tre vjet burg në Izrael.
Incidenti, në fluturimin e AndoluJet për në Stamboll ishte një sulm kibernetik, sipas Ofer Lefler, një zëdhënës i Forcave Ajrore izraelite.
“Jam i sigurt se policia dhe shërbimet e sigurisë do të zbulojnë pse e bënë këtë, ” tha Lefler.
Pasagjerët e tjerë, të shqetësuar nga fotot, informuan ekuipazhin dhe kapiteni mori vendimin e duhur dhe u kthyen në portë, tha Lefler.
“Një grua i ra të fikët, një tjetër pësoi një sulm paniku,” tha një pasagjere, Diana.
Avioni më në fund u ngrit disa orë më vonë, pasi u krye kontrolli i bagazhit dhe i pasagjerëve.
