Robert Lewandowski po luan sezonin e tij të fundit te Bayerni i Mynihut. Kontrata i skadon vitin e ardhshëm, por polaku do largohet që në këtë merkato vere, pasi rinovimi nuk po vjen.
Barcelona e pret dhe sulmuesi ka dalë hapur në kërkesën e tij për të luajtur me katalanasit.
Sipas “Bild”, Leva ka humbur qetësinë në dhomat e zhveshjes pas një bisede telefonike me drejtuesit e klubit në përfundim të ndeshjes së fundit të Bundesligës kundër Wolfsburgut.
Dëshmitarët e pranishëm i kanë rrëfyer medias gjermane se Lewandowski përsëriste disa herë emrin e Barcelonës duke shprehur hapur dëshirën për t’u transferuar atje.
Mbetet për t’u parë nëse pas këtij episodi që dëshmon prishjen e marrëdhënieve mes lojtarit dhe klubit, polaku do të jetë më në fund i lirë të transferohet te gjiganti spanjoll.
