Ministri i mbrojtjes së Rusisë, Sergei Shoigu deklaroi të premten se Moska do të vendoste baza të reja ushtarake në perëndim të vendit në përgjigje të zgjerimit të NATO-s.
Vendimi ka ardhur pas hapit të Finlandës dhe Suedisë për tu anëtarësuar në aleancë, ndërsa sipas Shoigu pritet që ushtria ruse të vendosë më shumë se dy mijë njësi pajisjesh ushtarake dhe armë në kufirin perëndimor.
“Deri në fund të vitit, 12 batalione dhe divizione ushtarake do të vendosen në Rajonin Perëndimor Ushtarak”, – deklaroi Shoigu gjatë një mbledhje të transmetuar në televizionin shtetëror rus.
Rusia ka kërcënua me përdorimin e armëve bërthamore në rast anëtarësimi të këtyre shteteve që ndajnë një kufi disa kilometërsh me Rusinë, ashtu si Ukraina, që tani po përballet me një luftë të përgjakshme.
