Për mbërritjen e Tottit në Tiranë ka folur edhe Corriere dello Sport.
“Totti në Tiranë ka drekuar me kryeministrin shqiptar”, shkruan prestigjiozja italiane.
“Nga Milano dhe Mynihu në Tiranë. Francesco Totti nuk është kursyer këto ditë dhe mëngjesin e sotëm ka zbarkuar në kryeqytetin shqiptar për të mbështetur Romën që luan sonte në finalen e Konferencës së Ligës kundër Feyenoord. Totti është ribashkuar me djalin e tij Cristian, i cili u largua mëngjesin e sotëm së bashku me Antonello Venditti dhe ish-presidenten Rosella Sensi.
Ish-kapiteni i Gialloross-ëve më pas ka marrë pjesë në një drekë me Edi Ramën , kryeministrin shqiptar dhe Armando Dukën , numrin një të federatës shqiptare të futbollit. Në tavolinë ishin edhe ish- kampionët e tjerë të Romës si Aldair , Vincent Candela dhe Gigi Di Biagio”, shkruan Corriere.
