Sfidat e mbrëmjes në “Nations League”, por edhe tratativat kryesore të merkatos, kanë qenë në fokus të mediave sportive për ditën e sotme.
Më poshtë titujt kryesorë sportivë:
“AS” i kushton faqen e parë supersfidës mes Spanjës dhe Portugalisë mbrëmjen e djeshme që u mbyll në barazim 1-1. “As ftohtë, as vapë”, është titulli i gazetës spanjolle.
Për të njëjtën temë flet edhe “Sport” që komenton paraqitjen e kombëtares “La Roja” me titullin: “Debutim pa shkëlqim”.
Edhe “Mundo Deportivo” ka në fokus barazimin mes Spanjës dhe Portigalisë me titullin: “La Roja fal”.
“Leksion për botërorin” është titulli i “Marca” për këtë sfide, ndërsa ‘kritikon’ performancën e kombëtares spanjolle.
“L’Equipe” flet për kualifikim e Ukrainës në Botëror, pas fitores 1-3 me Skocinë. “Ukraina e mahnitshme”, është titulli i gazetës spanjolle.
“Inter, çfarë kinemaje”, është titulli kryesor i “La Gazzeta dello Sport”, ku në klubin zikaltër ka zhvillime të rëndësishme në merkato me emrat e Dybala dhe Lukaku, ndërsa Lautaro Martinez është shprehur se nuk dëshiron të largohet.
“Corriere dello Sport” po ashtu ka në fokus zhvillimet e merkatos tek Interi dhe veçanërisht Romelu Lukakun i cili dëshiron me çdo kusht rikthimin në klubin zikaltër. “E zgjidh unë”, është titulli kryesor i “Corriere”, pasi pritet që belgu të negociojë vetë me Chelsean për largimin nga blutë e londrës.
“Tuttosport” rezervon faqen e parë për merkaton e Juventusit, me klubin bardhezi që është në kërkim të një mbrojtësi të djathë. “Juve, sprint për Molina”, është titulli i gazetës torineze.
