“Megjithatë, morëm Messi-n”/ Ja titujt kryesorë të gazetave sportive për ditën e sotme

113 563 lexime

124,178FansaPëlqeje

Ndeshjet e Nations League kanë përfunduar dhe futbollistët më në fund mund të shijojnë pushimet. Por, kjo nuk do të thotë që bota e futbollit do të qëndrojë në heshtje. E gjithë vëmendja tashmë kthehet nga merkato e verës me emra të mëdhenj që priten të transferohen në ekipe të ndryshme.

Nga goditjet në merkato të Realit, te ëndrra e Lewandowski-t për Barçën dhe pamja e re e skuadrave më të njohura në Europë për sezonin e ardhshëm. Këta janë titujt kryesorë të gazetave më prestigjoze të botës për ditën e sotme:

Do të ndalemi fillimisht në Spanjë me talentin Gavi të Barcelonës, i cili pritet të rinovojë kontratën deri në vitin 2026 duke qetësuar tifozët katalanas me ankthin e një largimi të mundshëm. Gazeta spanjolle “Sport” hapet pikërisht me titullin: Gavi 2026.

Prestigjozja “Marca” prezanton një intervistë ekskluzive me lojtarin madrilen Valverde, me titullin “Topin e Artë do ua jepja shokëve të mi të skuadrës”.

Real Madrid është ndër ekipet më aktive në këtë merkato sezonale. ‘Galaktikët’ kanë arritur të transferojnë dy yje në skuadër si Toni Rudiger apo mesfushori francez Tchouameni. Spanjollja “AS” i cilëson ata një “Rreshtim i kompletuar”, me të besuarit e Carlo Ancelottit që duket se sërish do të jenë një prej pretendentëve kryesorë për titull këtë sezon.

Gazeta katalanase “Mundo Deportivo” i kushton një vëmendje të veçantë blaugranasve duke shkruar: “Leva për të nënshkruar”, me polakun gjithnjë e më pranë firmës me Barcelonën e Xavit.

Prestigjozja franceze “L’Equipe” hapet me titullin: “Megjithatë morëm Messin”. Braziliani Leonardo është shkarkuar nga roli i drejtorit sportiv të ekipit parizien së fundmi. Megjithatë ai pati një rol jo pak të rëndësishëm në transferimet e yjeve në kryqytetin francez, ku spikat këtu dhe ylli argjentinas Leo Messi, i cili u transferua verën e kaluar.

Lexo edhe :  Formacionet zyrtare të derbit Liverpool-Everton, Armando Broja i gatshëm në pankinë

Në Angli, gazeta e njohur “Mirror Sport” i kushton një hapësirë të veçantë lojtarit të golfit Rory McIlroy me titullin: McIlroy ulëritës, por edhe ndalet në dramën e Paul Pogba në Manchester duke cituar francezin “Nuk më donit mjaftueshëm”. Mesfushori francez synon t’u vërtetojë “Djajve të kuq” që po gabojnë duke mos i ofruar rinovimin e kontratës por duke e lënë të lirë.

Në Itali, Interi është skuadra më aktive në merkato duke bërë lëvizje të bujshme së fundmi me Lukakun që pritet të kthehet në Milano apo transferimi i mundshëm i yllit argjentinas Paulo Dybala. “Corriere dello Sport” hapet me titullin: “Parakalimi i Marottës”, me ish-drejtorin sportiv të Juves, që po krijon një ekip të frikshëm në Serie A duke qenë sërish pretendent kryesor për Scudetto.

“Tuttosport” shkruan: Unë, Pogba, ylli i Juves. Francezi kërkon të rikthehet në formën e tij të mëparshme në ekipin që e rriti nga çdo aspekt futbollistik. Në Torino, duket se po e mirëpresin krahë hapur me shpresën e një triumfi tjetër në Itali.

“La Gazzetta dello Sport” zhvendos fokusin në kampionët aktual në fuqi të Italisë, Milanin dhe Stefano Piolin. “Scudetto, nuk dorëzohem”, shkruan e përditshmja italiane. Stefano Pioli ka shprehur dëshirën për një titull tjetër me kuqezinjtë, si dhe një ecuri më të mirë në Champions League sezonin e ardhshëm.

Të fundit

Pse janë unike shenjat e gishtave?

Përdorimi i shenjave të gishtave për identifikim filloi në fund të viteve 1800, megjithëse qytetërimet e lashta e kishin...

Rand Paul: Tarifat doganore ndëshkojnë familjet amerikane

Sipas Shoqatës Kombëtare të Ndërtuesve të Shtëpive, ndërtimi i një shtëpie njëfamiljare mund të bëhet deri në 10,000 dollarë më i shtrenjtë për shkak...

Kryepeshkopi Joani për median greke: Janullatos përhapi frymë pozitive brenda kishës

Kontakti im i parë me ungjillin ishte në shkollën e tretë të mesme. Një mik i vëllait më dha një libër në frëngjisht. Ai...

Mënyrat për të përballuar lodhjen në zyrë

Nëse lodhja e zyrës po ju lodh, provoni këto strategji të thjeshta dhe efektive për të rifituar energjinë tuaj dhe për të qëndruar të...

Vezët e Pashkëve, italianët do të përballen me një surprizë të hidhur këtë vit

Në vend të një dhurate të ëmbël, këtë Pashkë italianët do të përballen me një surprizë më të hidhur, rritjen e ndjeshme të çmimeve. Emisioni...

Lajme të tjera

Web TV