Rojet bregdetare greke gjetën mbrëmjen e së shtunës, 19 qershor, një varkë me emigrantë ilegalë të bllokuar në ujërat greke.
Varka pa drejtues e cila rrezikonte përmbytjen është gjetur 2,5 milje në jug të ishullit Rineia, i cili ndodhet afër Mykonos, dhe 1,8 milje detare në jug të Delos.
Deri më tani autoritetet portuale kanë shpëtuar 108 refugjatë ndërsa 8 emigrantë të tjerë rezultojnë të zhdukur, midis tyre tre janë fëmijë të moshës 3 , 8 dhe 15 vjeç raporton protothema.gr.
Mediat greke raportojnë se shpëtimi i refugjatëve ka qenë i vështirë për shkak të erërave të forta të cila kanë arritur deri në 6 ballë.
Në operacionin e kërkim shpëtimit po marrin pjesë anijet portuale greke dhe dy helikopterë.
Varka me refugjatët ilegalë është nisur nga Turqia, ndërsa destinacion ka pasur Italinë.
Sipas kërkimeve të para në varkë me vela , nuk kishte asnjë pajisje shpëtimi, ndërsa asnjë nga të mbijetuarit nuk kishte veshur jelek shpëtimi, ndërsa autoritetet po punojnë për gjetjen e personave që transportuan emigrantët ilegalë duke i vënë në rrezik për jetën.
