Foto të rralla të liderit të Koresë së Veriut, Kim Jong-un në periudhën e adoleshencës janë publikuar nga media shtetërore.
Ato tregojnë transformimin e tij të panjohur në një tiran të çmendur ose siç e ka cilësuar ish-Presidenti amerikan Donald Trump, “burri-raketë”.
Këto janë të parat fotot të Kim Jong-un si adoleshent që janë bërë publike në media. Ato u panë në një dokumentar që televizioni shtetëror transmetoi së fundmi mbi jetën e mentorit të Kim, Hyon Chol-hae.
Filmi, i titulluar “Më afër diellit”, përfshin disa foto të liderit të Koresë së Veriut që kalon kohë me Hyon.
Një prej imazheve tregon një Kim të ri në fillim të adoleshencës duke mbajtur dorën e Hyon. Ndërsa në një tjetër, diktatori është fotografuar në fund të adoleshencës në një inspektim në vend me babanë e tij Kim Jong-il, motrën e tij Yo-jong dhe Hyon.
