Merkato verore fillon të nxehet çdo ditë e më shumë. Një lajm i bujshëm që po qarkullon orët e fundit thotë se Liverpool ka nxjerrë në shitje yllin e tij Mohamed Salah pas refuzimit përfundimtar të këtij të fundit për të rinovuar kontratën një vit para përfundimit të saj me klubin anglez.
Siç zbulohet nga ‘The Sun’ dhe disa gazeta britanike, Liverpool ka vendosur një çmim fillestar prej 75 milionë euro, edhe pse duket e vështirë për dikë që të paguajë atë shumë për pagën e majme që lojtari dëshiron të marrë. Barça është në dijeni të çështjes dhe e ka kërkuar Salah me parametra zero në vitin 2023 , ndërsa Real Madrid po studion operacionin sepse kërkon një futbollist në pozicionin e tij.
Vendosmëria e Liverpool për të liruar Salah është totale. Sulmuesi egjiptian kërkoi 450 mijë paund në javë për të rinovuar kontratën dhe drejtuesit e klubit anglez i dhanë fund bisedimeve. Për të mos lejuar që ai të largohet me 0, Liverpool është i gatshëm ta shesë atë siç ka bërë me Sadio Mané, i cili është transferuar tek Bayern Munich disa ditë më parë.
Barça ka qenë në kontakt me shoqëruesit e Salah muajt e fundit. Klubi Blaugrana e kishte prioritet nënshkrimin e tij dhe jo atë të Lewandowskit, por në fund zgjodhi polakun duke pasur parasysh se Liverpool do ta bënte të pamundur largimin e egjiptianit. Tani e kanë marrë informacionin, por nuk do të ndërrojnë mendje pasi ka një marrëveshje me Leëandoëskin dhe është planifikuar nënshkrimi i polakut. Për Salah me ccmimin e vendosur nga Liverpool, do të jetë disi e vështirë nga klubi katalanas të hyjë në negociata.
