Mediet greke kanë publikuar videon e momentit kur një grup personash rrahën biznesmenin grek në ishullin e Mykonos në Greqi.
Kujtojmë se në këtë çështje është përfshirë edhe një shqiptar i cili është arrestuar dy ditë më parë, pasi dyshohet se ka ndihmuar autorët të arratisen nga vendi.
Pak ditë më parë, vetë hoteleri kishte folur për SKAI-n për sulmin që u bë ndaj tij duke thënë: “U sulmova nga drejtuesi i makinës. Unë thjesht zbrita për të parë se çfarë kishte ndodhur. Ai kishte veshur një kapele të zezë dhe në dorë kishte një levë. Ai kishte veshur doreza dhe një xhaketë të zezë. Rrahjet ishin të rënda dhe kishin për qëllim të më vrisnin. Fatmirësisht u shfaqën dy fqinjë dhe më pas ai u tremb dhe u largua”.
