Merkato ngelet kryefjala e mediave kryesore sportive në botë. Më poshtë disa nga titujt kryesorë të tyre:
“Ne këndojmë dhe luajmë me zemër”, është titulli i “AS”, që ka në faqen e parë intervistën e Rodrygo, yllit brazilian të Real Madrid.
“Sport” hapet me titullin “40 milion+bonuse”, duke dhënë detaje nga negociatat e Barcelonës dhe Bayernit për Lewandowskin.
Për Lewa-Barça flet edhe “Mundo Deportivo” me titullin: “Sulm total për Lewandowski”.
“Marca” i kushton faqen e parë intevistës ekskluzive me boksierin meksikan Canelo Alvarez dhe rrëfimit të tij: “Jam në luftë për të qenë më i miri në histori.”
“Raundi i dytë” është titulli i “L’Equipe”, e cila në faqen e parë flet për transmetimin e eventeve sportive dhe të drejtat televizive sportive nga Canal et plus Amazon.
“Mirror Sport” ka në fokus dy zhvillimet më të rëndësishme të merkatos në Premier League gjatë orëve të fundit. “Raph&Ready” është titulli kryesor i gazetës për marrëveshjen e Raphinha me Chelsea dhe negociatat e avancuara të Frenkie De Jong me Manchester United.
“Të jesh i treti në renditjen evropiane dhe i dymbëdhjeti në botë tingëllon shumë gjë e madhe”, është titulli i “L’Esportiu” me atleten Sara Gallego.
Gazetat sportive italiane flasin për situatën e 3 skuadrave italiane në merkaton e verës.
“La Gazzeta Dello Sport” i kushton faqen e parë sitauatës së drejtuesve të Milanit dhe veçanërisht Paolo Maldinin. “Maldini, jemi atje?”, është titulli i gazetës sportive që shpjegon situatën e rinovimit të drejtorit sportiv.
“Komandoj unë”, është titulli i “Corriere dello Sport”, që i kushton faqen e parë rikthimit të Romelu Lukakut në Milano, tek Interi.
“Tuttosport” mban fokusin e saj tek merkato e Juventusit. “Cambiasso thotë ‘po’, kontaktohet Bremer” është titulli i të përditshmes torineze.
