Kryedemokrati Sali Berisha ka paralajmëruar një valë protestash. I ftuar në “EuroNews’, Berisha tha se 7 korriku është vetëm fillimi i rrëzimit të qeverisë. Ai tha se qytetarët shqiptarë dhe të gjithë demokratët duhet të përgatiten për një revolucion që sipas tij është i vetmi që mund t’i japë fund një sistemi monist, siç e konsideron ai qeverisjen nga Edi Rama.
“Tani është një koalicion i gjerë. Në informacionet që kam unë, shoqëria shqiptare po zien, nuk po duron dot më. E dëshiron protestën, është një situatë pakënaqësie e jashtëzakonshme. Kjo do të shpërthejë më 7 korrik, si një sipar i pafund protestash. PD-ja është e vendosur për një opozitë shumëformëshe, në Kuvend e rrugë, por duhet të jemi të përgatitur sepse në një vend ku të gjitha pushtetet janë në duart e një partie, ku rendi kushtetues ka marrë fund dhe është dorëzuar në një parti, atëherë këtu vetëm një revolucion mund t’i japë zgjidhje dhe të përmbysë këtë sistem monist. Sot Rama ka pushtet më shumë se ç’kishte Ramoz Alia,”- tha Berisha.
