Një burrë nga Afrika e Jugut vdiq të martën pasi dyshohet se kishte pirë një shishe të tërë Jagermeister në dy minuta si pjesë e një sfide për të pirë, tha policia.
Burri, identiteti i të cilit nuk është bërë i ditur, kishte konkuruar kundër klientëve të tjerë në një dyqan pijesh alkoolike në fshatin Mashamba për të mbaruar me fund shishen me Jagermeister për të fituar rreth 12 dollarë, raporton nypost.com.
“Njëri prej tyre u rrëzua dhe u dërgua në klinikën lokale, ku u vërtetua i vdekur”, u tha gazetarëve zëdhënësi i policisë Waterval, Brig Motlafela Mojapelo.
Pamjet e burrit që kthen shishen për ta pirë të gjithën në konkursin vdekjeprurës të pijes u postuan në Twitter , e cila arriti gati 9 mijë shikime që nga mëngjesi i së mërkurës. Në video shihet se ai u rrethua nga klientët e tjerë duke e inkurajuar atë të mbaronte alkoolin.
“Pjesa më e keqe e të gjithave… është se, kjo nuk është aspak qesharake… ishte një lojë që doli e gabuar nga të gjitha drejtimet”, komentoi një përdorues. Një përdorues tjetër tha se burri “pagoi me jetën e tij” për këtë konkurs.
Policia raportoi se ka nisur hetimet për vdekjen e tij dhe se është e paqartë nëse do të ngrihet ndonjë akuzë kundër pronarëve të dyqaneve të pijeve.
