Arabia Saudite provon sërish për Cristiano Ronaldon. Një vit më parë CR7 refuzoi të largohej nga futbolli europian, por tani sipas CNN Portugal, një klub nga Lindja e Mesme do të kishte bërë një mega propozim: 30 milionë euro për Manchester United, si dhe një marrëveshje dyvjeçare me vlerë 250 milionë për lojtarin.
Ronaldo në fillim të korrikut i kërkoi United që ta linte të largohej në rast se do të vinte një ofertë e kënaqshme dhe CR7 humbi turneun parasezonal të klubit në Tajlandë për “arsye personale”. United po përpiqet ta bindë atë, menaxheri i ri Erik ten Hag përsëriti në një konferencë për shtyp në Bangkok se portugezi mbetet në planet e tij për sezonin e ardhshëm: “Mezi pres të punoj me të. E kam lexuar por ajo që them është se Cristiano nuk shitet, është në planet tona dhe duam të fitojmë bashkë”. – ishin fjalët e tij
Për shtypin portugez, mega oferta arabe tashmë është refuzuar nga CR7. Sipas të afërmve të tij, Ronaldo do të ishte i gatshëm të luante edhe një sezon në një klub gjigant në Europë, përpara se të bënte zgjedhje të tjera.
