Marco Asensio rikthehet sot në stërvitje me Real Madridin dhe është një nga lojtarët që nuk është i sigurt për të ardhmen e tij te galaktikët. Kontrata e tij përfundon në vitin 2023 dhe vetë Asensio nuk e përjashtoi mundësinë që të vazhdojë deri në fund të kontratës vitin e ardhshëm dhe të largohet falas.
Një mundësi që Real Madrid e konsideron si më realen, klubi i bardhë e sheh atë më afër vazhdimit këtë vit sesa largimit. Dhe jo vetëm kaq, por sipas këtij stacioni, Real Madrid nuk ka ndërmend t’i ofrojë asnjë propozim rinovimi. Marco Asensio dëshiron të ketë minuta për të shkuar në Kupën e Botës në Katar dhe nuk është i sigurt se kjo do të ndodhë te Real Madrid. Spanjolli ka parë sesi Rodrygo ka avancuar në preferencat e Ancelottit dhe se Valverde është i zgjedhuri nga trajneri për të startuar në krahun e djathtë. Me këtë panoramë, Marco Asensio nuk duket se do të ketë shumë minuta në njëmbëdhjetëshen e parë. Ka disa skuadra që kanë shfaqur interes për Asension, por për momentin nuk ka asnjë ofertë. Ditët e fundit lojtari do të kishte vendosur të qëndronte tek Real Madrid dhe madje të rinovonte, por klubi nuk e sheh të qartë këtë rinovim.
Çelësi për të ardhmen e Marco Asensio është biseda që ai do të bëjë me Carlo Ancelottin, i cili do të shpjegojë se cili do të jetë roli i tij në ekipin madrilen këtë sezon. Më vonë do të jetë Asensio ai që do të vendosë se çfarë do të bëjë.
