Sulmuesi shqiptar është sinjalizuar prej disa kohësh nga trajneri i Kombëtares Reja.
Nga bluja në blu është e gjitha një çështje ngjyre. Dhe Napoli, pasi shiti lojtarin e tyre simbolik, Kalidou Koulibaly, te Chelsea, me pronësinë e re amerikane ka hapur një dialog që mund të çojë në marrëveshje të rëndësishme në ditët në vijim. Bëhet fjalë për qendërsulmuesin shqiptar Armando Broja dhe portierin spanjoll Kepa. Këto do të ishin dy goditje shumë të rëndësishme, por jo të lehta për t’u kryer. Megjithatë, le të shohim se si do të evoluojë situata.
I PREFERUARI I DE LAURENTIIS
Prej të paktën një viti, presidenti Aurelio De Laurentiis ka ndjekur personalisht rritjen e qendërsulmuesit shqiptar. Gjithçka nisi me një nga telefonatat që De Laurentiis ka me Edy Rejën, njeriun që e solli Napolin nga Seria C në Europa League në pak më shumë se tre vjet. Marrëdhënia mes të dyve mbeti e shkëlqyer dhe trajneri aktual i Shqipërisë i tregoi për këtë djalë të madh, i cili debutoi në moshën tetëmbëdhjetëvjeçare në shtator të 2020-ës në kombëtaren e të rinjve. Dhe De Laurentiis, pas rritjes së Brojas në Southampton këtë sezon të fundit, ra në dashuri me fuqinë e këtij qendërsulmuesi, i cili shënoi 6 gola në sezonin e tij të parë në Premier League dhe që Tuchel iu drejtua Chelseas për ta vlerësuar atë në turneun aktual të verës në Kaliforni. Napoli e kishte identifikuar atë si një alternativë ndaj Osimhen nëse një propozim “i pahijshëm” do të kishte ardhur për nigerianin.
Osimhen, pas shitjeve të tjera, bëhet i paprekshëm, por në të njëjtën kohë Napoli pasi humbi Mertens një goditje, ndoshta dy nëse largohet Petagna. Në të njëjtën kohë me Paulo Dybala që vazhdon pa kontratë, Napoli nuk mund të presë më. De Laurentiis mendon të investoj 20 milionë euro për yllin shqiptar, por kupton se nëse nuk vazhdon negociatat tani, me rritjen në Premier League, Broja do të arrijë çmime që nuk janë më të aksesueshme për një klub italian.
