Drejtuesit e Barcelonës nuk kanë folur kurrë për sezone tranzicioni sepse një ekip si Barça është i detyruar të konkurrojë gjithmonë për të fituar gjithçka. Viti financiar 2022-23 nuk do të ketë përjashtim. Sekretariati teknik ka për detyrë të përforcojë skuadrën në mënyrë që të rikthehet në rrugën e titujve dhe të lërë pas statistikat zhgënjyese të tre sezoneve të fundit.
Projekti i dytë i Xavi Hernández në krye të Barcelonës, në fakt i pari i tij që nga fillimi duke qenë se ai mori stolin në tetor 2021 për të zëvendësuar Ronald Koeman dhe Sergi Barjuan (i përkohshëm), ka syinime të mëdha. Xavi kërkon një ekip konkurrues, prandaj ka kërkuar lojtarë me performancë të menjëhershme në mënyrë që të mos flitet për sezone tranzicioni apo diçka të tillë. Trajneri, pasi analizoi mangësitë e skuadrës, e kishte të qartë diagnozën dhe pozicionet për të përforcuar: mbrojtësit e krahut, boshti i mbrojtjes, zona e gjerë dhe sulmuesi.
Në portë ka Ter Stegen dhe Iñaki Peña si portier të dytë. Në anën e djathtë, ai pret ardhjen e Azpilicueta dhe do të mbajë Destin. Në krahun e majtë ai ka Jordi Alba, në skuadër që nga sezoni 2012-13 dhe do të kërkojë Marcos Alonso të Chelseas. Dhe në boshtin e qendërmbrojtjes mban Piqué, Araujo dhe Eric, tashmë ka Christensen dhe do të luftojë për transferimin e francezit Koundé (Sevilla).
Në zonën e mesfushës ai vazhdon të mbështetet te kapiteni, Busquets dhe të rinjtë Pedri, Gavi dhe Nico, përveç Sergi Robertos, i cili rinovoi qershorin e kaluar. Këtu Xavi tashmë ka një shtesë të re, atë të Kessie, një mushkëri e mesfushës. Ai është gjithashtu në pritje të asaj që do të ndodhë me De Jong. Holandezi, nëse do të shkonte në Premierligë, do të duhej të zëvendësohej nga një tjetër lojtar cilësor, që mund të ishte Bernardo Silva (Manchester City).
Në krye, dhe si sulmues, Xavi vazhdon t’i besojë gabonezit Aubameyang , i cili performoi në një nivel të lartë pas mbërritjes në merkaton e dimrit dhe sigurisht Lewandowskin, i cili duhet të jetë lideri i ekipit për shkak të efikasitetit dhe lidershipit të tij. Në krahun e majtë ata kanë Ferran dhe Ansu Fati, ndërsa në të djathtë Dembélé. Tashmë është kryer dhe transferimi i Raphinhas i cili pritet të dhurojë spektakël.
Një skuadër që nëse bëhet realitet, do t’i jepte Barçës statusin e kandidatit në të gjitha garat për sezonin 2022-23. Me të, skuadra blaugrana do të detyrohej të konkurronte sërish për të gjithë titujt dhe të rikuperonte prestigjin e humbur vitet e fundit, veçanërisht në kompeticionet evropiane pas eliminimeve të përsëritura dhe të dhimbshme.
