Kryeministri italian Mario Draghi ka rikonfirmuar ditën e sotme dorëheqjen e tij tek Presidenti i Republikës italiane Sergio Mattarella. Komunikimi u bë me dije nga Sekretari i Përgjithshëm i Presidencës Ugo Zampetti ndërsa parashikimet thonë se brenda javës Parlamenti do të shkrihet ndërsa pritet të vendoset data e zgjedhjeve të parakohshme.
Takimi Mattarella-Draghi ka qenë procedural dhe ka zgjatur më pak se 40 minuta. Gjatë ditës do të vijojnë takimet mes presidentit Mattarella dhe kryetarëve të parlamentit dhe senatit për të zbatuar procedurat e nevojshme.
Italia po përgatitet për diçka jashtëzakonisht të rrallë në historinë politike të vendit, përkatësisht një fushatë elektorale në mes të verës. Sipas La Repubblica, zgjedhjet pritet të mbahen më 2 ose 9 tetor, por edhe, 25 shtatori është gjithashtu një datë e mundshme.
