Ai mbrojti me armë statujën e Skënderbeut në qendër të Shkupit e po ashtu pronën e tij private nga huliganët maqedonas.
Isuf Koka është dënuar me 4 muaj burg pasi shtiu në ajër për të trembur protestuesit të cilët po sulmonin bizneset e zonës me gurë dhe sende të forta.
Biznesmeni shqiptar është lënë në arrest shtëpie nga Gjykata e Shkupit deri në përfundim të procesit gjyqësor. Ai akuzohet për veprën penale: “Nxitje e rrezikim të përgjithshëm ndaj qytetarëve”.
Pak ditë më parë, babai i tij tha në një intervistë se i biri i tij shtiu për të mbrojtur biznesin e tij në Çarshinë e vjetër të Shkupit, pasi protestuesit do e dëmtonin atë.
