Babai i një djali 13-vjeçar, i cili u vra nga bombardimet ruse në Kharkiv të mërkurën, u lut mbi trupin e fëmijës së tij të vdekur për dy orë, sipas një zyrtari të lartë ukrainas.
Sipas CNN, nga granatimet u plagos edhe motra e djalit, tha të enjten ambasadorja e Ukrainës në SHBA, Oksana Markarova por fatkeqësisht 13-vjeçari nuk mundi ti mbijetonte plagëve të marra.
“Babai ukrainas i cili mban dorën e djalit të tij 13-vjeçar i vrarë nga bombardimet ruse sot në Kharkiv. Motra e tij është plagosur. Babai lexoi lutjet mbi djalin e tij për dy orë. Pas sulmit u vranë tre persona. Duhet të ndalojmë Rusia kriminale dhe terroriste tani” shkroi Markarova në Twitter.
Postimi i Markarovës përmbante edhe dy foto ku shihet babai duke mbajtur dorën e djalit të tij të vdekur, ndërsa trupi i djalit shtrihej në tokë i mbuluar me një fletë të kuqe.
Adoleshenti i ri ishte midis tre viktimave të një sulmi rus në lagjen Saltivskyi të Kharkivit, sipas Oleh Synehubov, kreu i administratës ushtarake rajonale. Granatimet vranë gjithashtu një burrë dhe një grua.
