Ragip Isufi është shqiptari nga Kosova i cili ka marrë vëmendjen e të gjitha mediave ditën e fundit. Ai është konvertuar nga mysliman në katolik dhe ka ndryshuar edhe emrin në Arbër.
Në kishën Shën Abrahami në Llapushnik të Drenasit ai ndërroi fenë dhe emrin ndërkohë që komentet drejt këtij veprimi ishin të shumta.
Në lidhje me vendimin e Isufit ka reaguar edhe hoxha nga Mitrovica, Eroll Nesimi. Nesimi ka shkruar në postimin e tij në Facebook se besimtari i vërtetë mysliman s’e ndërron kurrë fenë e tij. Ai ka shtuar se Isufi asnjëherë nuk ka qenë musliman, vetëm në letra.
“Pra, ai i cili e ka shijuar kënaqësinë e Islamit, kënaqësinë e namazit, agjërimit, kuranit etj, asnjëherë nuk e braktis fen e tij.
Kurse ai i cili ka qenë musliman vetëm me letërnjoftim (musliman i ka shkruar vetëm në dokument) dhe asnjëherë nuk ka fal namaz as nuk ka agjëru (dmth nuk ka prakriku asgjë nga Islami), nuk pe di çfar feje paska ndrru ky”,-ka shkruar Nesimi.
