Oleksandr Zinchenko u përlot pasi vulosi një kalim ëndrrash prej 32 milionë funtesh në klubin e fëmijërisë Arsenal nga Manchester City.
Ukrainasi 25 vjeçar, nënshkroi një kontratë katërvjeçare me opsionin e 1 viti shtesë te “Topçinjtë” pasi iu nënshtrua testeve mjekësore në Orlando. Ai e vendosi në letër marrëveshjen në Shtetet e Bashkuara pasi u lidh me shokët e tij të rinj të skuadrës në turneun e tyre parasezonal këtë javë për të kaluar mjekësore dhe për të konfirmuar detajet përfundimtare.
Mbrojtësi anësor i krahut të majtë, është vetëm në pritje të përfundimit të proceseve rregullatore. Numri i tij i skuadrës ende nuk është zbuluar, por numri 11 dhe 17 i favorizuar i tij janë marrë të dy.
Zinchenko mbajti një fjalim emocionues lamtumire për skuadrën e Pep Guardiolës në Tekxas përpara se të bashkohej me klubin që ai donte kur ishte fëmijë. Zinchenko, i cili mund të bëjë debutimin e tij me Topçinjtë kundër Chelsea në orët e para të mëngjesit të së dielës, tha: “Nuk isha gati për këtë ditë dhe veçanërisht kur mbajta një fjalim para djemve. Ishte shumë emocionuese sepse po përpiqesha ta praktikoja këtë fjalim në dhomën time.
“Vazhdova të thosha me vete: ‘Oleks, mbaji lotët, kjo është gjëja kryesore’. Por kur i sheh të gjithë këta djem para teje, është e pamundur. Kam shumë kujtime, në mënyra të mira dhe të këqija”.
“Jam shumë i lumtur që një ditë mund t’u them nipit dhe mbesave të mia se isha një pjesë e vogël e këtij klubi të mrekullueshëm. Kanë qenë pesë vite të pabesueshme”.
“Por kjo është një ëndërr e djaloshit e realizuar, sepse kam qenë një fanse e madhe kur isha fëmijë. Meqenëse Thierry Henry dhe i riu Cesc Fabregas po luanin këtu, unë thjesht po kënaqesha duke parë ato ndeshje, atë Arsenal”.
“Unë jam këtu për të arritur gjëra të mëdha dhe shpresoj se mund të fitojmë disa tituj dhe shpresoj se do të luftojmë për çdo titull në të cilin do të përfshihemi. Ekipi po rritet kaq shpejt dhe mendoj se është koha. Është koha për të bërë më të mirën dhe për të arritur diçka të madhe.”
