Barcelona fitoi 1-0 ndaj Realit në Klasiken verore në Las Vegas. Triumfi erdhi me golin fantastik të Raphinhas. Kjo ndeshje është edhe kryefjala e mediave sportive por nuk mbetet pas edhe transferimi i Kounde.
Gazeta “Marca” hapet me titullin: “Raphinhazo” në Las Vegas. Braziliani i Barçës shënoi në minutën e 27-të në El Clasico.
Gazeta “As” shkruan: Një El Clasico e parakohshme. Real Madrid dhe Barça luajtën në Las Vegas.
Gazeta “Sport” vjen me titullin: “Gjithçka për Kounde”. Vullneti dhe vendosmëria e qendërmbrojtësit për të nënshkruar me Barçën është çelësi.
Edhe gazeta “Mundo deportivo” i kushton faqen e parë Kounde-s: “Orë të nxehta për Kounde”. Lojtari që është midis transferimit te Barcelona ose Chelsea, por ende nuk ka ‘tym të bardhë’ mes palëve. Qendërmbrojtësi francez, i cili dukej një hap larg nga Chelsea, është gjithnjë e më afër nënshkrimit për Barçën.
Gazeta “Sport Star Sunday” hapet me titullin: “Cristiano largohet dhe më pas qëndron”. Ronaldo synon të luajë në Champions League. Manchester United është gati të lërë Ronaldon të largohet këtë verë, por vetëm në formë huazimi.
“Max po e shijon”, ky është titulli hapës i “Corriere dello Sport” pas suksesit të Juventusit në një ndeshje miqësore kundër Deportivo Guadalajara.
