Merkato ka qenë gjithmonë një sezon i surprizave të mëdha dhe ndonjëherë negociatat e tejkalojnë imagjinatën. Ashtu si në rastin e intrigës që kërcënon të shkundë nga themelet gjithë botën e Atletico Madridit, po ashtu edhe Civitas Metropolitano-n e saporimëruar. Cristiano Ronaldo iu ofrua Atleticos, për një marrëveshje që mund të tronditë një qytet të tërë. Pesë herë Topi i Artë, është një simbol i një prej epokave më të suksesshme në historinë e Realit dhe sa herë që ‘Colchoneros’ kanë qenë përballë tij, ai kurrë nuk e ka lënë veten t’i lutet për të shënuar dhe duke iu përgjigjur provokimeve.
Hashtag # ContraCR7
Kryebashkiaku i qytetit, një tifoz bardhekuq, shpjegoi se do të ishte sa intriguese aq edhe e ndërlikuar sentimentalisht të shihje Cristiano nën urdhrat e Simeones, por shumica e adhurimit të Colchoneros nuk duket të jetë në të njëjtën gjatësi vale si ai. Në të vërtetë, siç shpjegon Daily Mail, lindi një lëvizje e vërtetë opinionesh, e grupuar në rrjetet sociale falë hashtagut #ContraCR7, në të cilin tifozët e Atletico Madrid kundërshtojnë fuqishëm mundësinë që armiku i madh i vjetër të bëhet papritmas një lojtar i ri i klubit. Inati është aq i madh sa që disa nuk mund të përmendin as emrin e portugezit kur i shpjegojnë se as nuk duan ta shohin të lyer me fanellën bardhekuq: “Nëse ai arrin, i anuloj të dy biletat e mia sezonale”. shpjegon një fans.
Protestat e tifozëve
Dhe disponimi i përgjithshëm i fansave duket saktësisht i tillë. Preferoj të humbas me Carlos Martin në fushë, sesa të fitoj me atë portugezin në fushë”, ka komentuar një tjetër mbështetës. Dhe mesfushori i ri i Canteras do të jetë i lumtur të dijë se tashmë është në zemrat e publikut. Një ardhje e mundshme e CR7 do të ishte e krahasueshme me një rikthim të Hugo Sanchez, tradhtarit legjendar të Colchoneros me kalimin e tij në Rea. “Këtu një meksikan që bën salto nuk do të stërvitet më kurrë, as një budalla i lindur në Madeira nuk do të luajë kurrë”. Me pak fjalë, një jo e qartë ndaj mundësisë për ta parë ish-lojtarin e Juventusit në Madrid, por në anën tjetër të lumit.
“Asnjëherë në ekipin tim. Vlerat tona shkojnë përpara qëllimeve tuaja” u shpreh fansi.
