Në ditën e sotme, mediat sportive janë fokusuar kryesisht te faza përgatitore dhe duket se merkato verore po ‘vaket’ pasi jemi pothuajse në prag të nisjes së disa kampionateve.
Më poshtë ndjekim disa prej titujve kryesorë të mediave sportive:
“Pogba i dëmtuar”, me këtë titull e hap ditën gazeta italiane “Corriere dello Sport”. Mesfushori francez, i rikthyer së fundmi tek Juventus, ka pësuar një dëmtim në gjurin e djathtë dhe do të mungojë në miqësoren e radhës ndaj Barçës. Nuk dihet ende se sa serioz është dëmtimi.
“Mirë se vjen” është titulli i madrilenes “AS”. Benzema tashmë është kthyer nga pushimet dhe do të jetë i gatshëm në miqësoren e radhës të madrilenëve ndaj Club America.
Katalanasja “Mundo Deportivo” ka shkruar “Ai e do atë tani”. Trajneri i Barçës, Xavi, e kërkon me patjetër francezin Kounde dhe pret që transferimi të mbyllet sa më shpejt.
“Bremer është një bishë” është titulli i torinezes “Tuttosport”. Këto ishin fjalët e portierit të Juves kur u pyet për qendërmbrojtësin brazilian të transferuar së fundmi nga Juve.
Santiago Solari, ish- trajneri i Real Madrid i ka thurur elozhe së fundmi sulmuesit brazilian Vinicius. Prestigjozja “Marca” shkruan “Vinicius nuk është vetëm talent, por edhe luftëtar.
“Pika Kulminante” është titulli i “L’Esportiu”. Marrëveshja e Barçës me Kounden është shumë pranë tani dhe pritet që klubet të bien dakort pasi lojtari i ka pranuar kushtet personale.
