Në ditën e sotme është kthyer fokusi paksa tek merkato verore. Disa nga klubet po nxitojnë të mbyllin marrëveshjet në mënyrë që ti kenë lojtarët të gatshëm në skuadër para nisjes së sezonit.
Ndjekim disa nga titujt kryesorë të mediave sportive:
Prestigjozja “Marca” e hap ditën me një titull kushtuar yjeve të transferuar nga Barça dhe Reali “Tani në luftë”. Tchouaméni dhe Koundé , miq të vjetër nga koha e tyre në Bordeaux, sfidojnë njëri-tjetrin.
Nga ana tjetër tek gazeta italiane “La Gazzetta dello Sport” fokusohen tek tratativat e Juves në merkato dhe shkruan “Juve, e gjitha në sulm për Kostic”. Alegri kërkon më shumë përforcime.
“ Sarri show ” është titulli i “Corriere dello Sport” e cila e hap kopertinën me një intervistë me trajnerin e Lazios. Ai u shpreh: Këtë vit, çmenduria do të mbizotërojë sepse kam një ekip për Scudetto.
“Tuttosport” si zakonisht fokusohet tek bardhezinjtë dhe shkruan “ Juve: sprint për Kostic, pressing ndaj Muriel”. Këta dy lojtar jan objektivi kryesor i Juventus për të mbyllur merkaton.
“Kala” ka shkruar gazeta katalanase “Sport”. Frenkie de Jong refuzon të largohet nga Barça pavarësisht ofertave nga Chelsea dhe Manchester United.
“Mundo Deportivo” fokusohet tek merkato e Barçës “Ofensivë e fundit”. Pas largimeve, Barça do të shkojë për Azpilicueta, i pari në listë për shkathtësinë e tij, dhe më pas për Marcos Alonso.
“Legjenda vazhdon” është titulli i madrilenes “AS”. Modric feston 10 vjet si lojtar i Real Madridit.
Nga ana tjetër britanikja “Mirror Sport” shkruan për telenovelën e merkatos “Gjithçka ka mbaruar Ronaldo”. Kriset mardhënia e portugezit me trajnerin Ten Hag ende pa nisur sezoni i ri. Tashmë duket se largimi i CR7 është i pashmangshëm.
