Edhe tani që kanë kaluar disa muaj që kur e ka nisur, Vladimir Putin nuk ka gjasa të ketë sukses me pushtimin e Ukrainës. Kështu ka deklaruar Sekretari i mbrojtjes i Britanisë së Madhe Ben Wallace.
Sipas Wallace, është e rëndësishme të kuptohet se luftimet dhe humbjet e jetëve po ndodhin ende, por shtoi se Rusia ‘po fillon të dështojë në shumë fusha’.
“Ata kanë dështuar deri më tani dhe nuk ka gjasa të kenë sukses ndonjëherë në pushtimin e Ukrainës. Pushtimi i tyre ka dështuar dhe është rimodifikuar vazhdimisht në masën që ata me të vërtetë janë duke u fokusuar vetëm në pjesë të jugut dhe në lindje, një rrugë e gjatë e shumë larg operacionit të tyre të ashtuquajtur special treditor”, u shpreh ai.
Sakaq, vazhdojnë luftimet e ashpra në afërsi të Donjeckut, një ditë pas granatimeve të ashpra afër centralit bërthamor të Zaporizhjas. Ukraina dhe Rusia kanë akuzuar një tjetrën për sulmet në këtë termocentral.
