Në Europë u refuzua dhe u kthye në objekt betejash edhe ligjore. Superliga ka rrezikuar të përçajë futbollin europian para se një kryengritje e tifozëve ta ndalte në hapat e parë.
Por nëse në Europë ideja mbetet një temë përçarëse, në Afrikë lind nën dritën e diellit. Atij të Tanzanisë, kur të mërkurën është prezantuar zyrtarisht “African Super League” me rastin e kongresit të 44-t të CAF, federata e kontinentit.
Superliga nuk do të zëvendësojë Champions-in dhe Confederations Cup (kupa e dytë afrikane), por do të ecë paralelisht me dy manifestimet dhe do të nisë në sezonin 2023/24 (në gusht me saktësi).
Do të marrin pjesë 24 skuadra të ndara në tre grupe me nga tetë ekipe secili të ndarë në baza krahinore (Veri, Qendër-Perëndim, Jug-Lindje) që do të kualifikojnë pesë të parat plus të gjashtën më të mirë në 1/8-at. Të gjitha ekipet e regjistruara do të kenë detyrimin të kenë një sektor të rinjsh dhe një skuadër femrash.
All you need to know about the CAF African Super League. 24 teams will battle it out for prize money of $100m! #CitiSports
— Daniel Koranteng (@Dani77k) August 10, 2022
Kompeticioni është një ide e Gianni Infantino, president i FIFA-s, nëntorin e kaluar dhe duhet të garantojë në përgjithësi të ardhura prej 200 milionë eurosh në sezon.
“Jemi mbytur nga sponsorë dhe investues. Super League ka një potencial të madh dhe do të mund ta ngrejë futbollin afrikan duke e bërë akoma më të fuqishëm”, ka thënë Patrice Motsepe, presidenti i CAF.
Ja lista e skuadrave pjesëmarrëse: Al Ahly, Zamalek, Pyramid dhe Al Masry (Egjipt);
Wydad, Raja Athletic dhe Berkane (Marok);
Esperance, Etoil Sportive Du Sahel (Tunizi);
Orlando Pirates, Kaizer Chiefs, Mamelodi Sundowns (Afrikë e Jugut);
Kabyile, Belouzidad, Setif (Algjeri); Mazembe (Rd Kongo); Horoya (Guinea);
Enyimba (Nigeri);
Petro de Luanda (Angola);
Simba (Tanzania);
Hearts of Oak (Gana);
Al Hilal(Sudan);
Asec Mimosas (Bregu i Filidishtë);
Coton Sport Garoua (Kamerun).
