Stërvitja e fundit ka dhënë sinjale të rëndësishme për ato që mund të jenë zgjedhjet e titullarëve nga ana e Stefano Piolit për ndeshjen e sotme kundër Udinezes.
Prapavija nuk ndryshon me Maignan në portë dhe Calabrian e Hernandezin nga krahët. Tomori dhe Kalulu në qendër, teksa “diga” përpara tyre do të përbëhet nga Bennacer dhe Kruniç që zë vendin e Tonalit të dëmtuar.
Treshja pas pykës gjithashtu nuk duhet të ketë surpriza. As Adli e as De Ketelare që do ta nisin sfidën nga stoli së bashku me Giroud dhe Origin.
Pyka do të jetë Rebiç që ka dhënë përgjigje të rëndësishme gjatë miqësoreve të verës, teksa pas shpinës së kroatit do të luajnë Leao, Diaz si fantazist dhe Salemakers, pasi Pioli nuk dëshiron të rrezikojë Mesiass-in që u dëmtua një javë më parë në kavilje. Braziliani e ka marrë veten, por do të jetë në pankinë.
