Vuk Boriloviq nga Cetinja dje ka vrarë dhjetë bashkëqytetarë dhe ka plagosur gjashtë në qendër të Prijestonicës, duke tronditur opinionin publik në Malin e Zi, dhe jo vetëm. Qeveria e Malit të Zi ka shpallur tri ditë zie për tragjedinë e ndodhur.
Sakaq, ka dalë autopsia për autorin, i cili është goditur nga të paktën 5 plumba.
Sipas medies malazeze Vijesti, autopsia tregoi se 34-vjeçari kishte të paktën pesë plagë në trup dhe ekspertët e balistikës dhe patologët do të japin vlerësimin se me cilat armë është qëlluar Boriloviq dhe cilat plagë kanë qenë fatale.
Gjatë dramës së përgjakshme, ai vrau Natashën dhe dy fëmijët e saj të mitur, të cilët ishin qiramarrësit e tij dhe pas tyre, doli në rrugë duke vrarë edhe 7 persona të tjerë.
Sipas autoriteteve, gjatë shkëmbimit të zjarrit me policinë, ai është qëlluar për vdekje nga një bashkëqytetar i tij.
