Esat Mala është futbollisti më i ri i Vllaznisë, me mesfushorin që ka firmosur për dy vite me shkodranët.
Ish-futbollisti i Partizanit e mbylli me skuadrën turke të Giresunsporti dhe tani është gati për një tjetër aventurë në Superiore.
Lajmin e ka konfirmuar vetë klubi kuqeblu, me Malën që stërvitet prej ditësh me skuadrën e Josës, me këtë të fundit që kishte kohë që e donte 23-vjeçarin në ekipin e tij.
Gjithsesi klubi turk nuk i lëshoi dokumentacionet Malës dhe për këtë arsye mungoi zyrtarizimi. Edhe në njoftimin e marrëveshjes, shkodranët nuk citojnë fjalën “firmosje të kontratës”, por vetëm që është arritur akordi. Kjo gjë lë hapësira për të aluduar që çështja mund të mos jetë mbyllur ende.
