Që kur nisi lufta në Ukrainë, Kremlii zyrtar ka përdorur Gazpromin si një mjet presioni ndaj Evropës. Për shumë ‘aktorë politikë’ në Perëndim kjo mbetet e papranueshme.
Bllokimi i furnizimit me gaz ka ndikim në ekonominë e kontinentit. Ekonomistët njoftojnë se një ndërprerje e plotë e furnizimeve me gazin rus mund të zvogëlojë produktin e brendshëm bruto të Bashkimit Evropian deri në 1.5%. Qeveritë e vendeve të BE-së kanë nisur zbatimin e politikave për kursim.
Por, dimrin e ardhshëm, çmimi i gazit në Evropë mund të kalojë 4 mijë dollarë për metra kub.
Këto janë vlerësimet e Gazprom, sipas një shënimi nga kompania ruse e rilançuar nga agjencia Tass.
Kostoja e gazit, saktëson deklarata, në Evropë ka arritur nivelin e 2500 dollarëve për tregtim. Nëse vazhdon ky trend, çmimet mund të kalojnë tavanin prej 4000 dollarësh gjatë sezonit të dimrit.
