Dëshironi të filloni një jetë të re në një vend tjetër? Sigurisht, që mundeni dhe tani mund të jetë shansi juaj sepse një ishull i bukur italian po u ofron njerëzve para për t’u shpërngulur në qytetet dhe fshatrat e tij ruralë.
Qeveria e ishullit të Sardenjës po ofron grante deri në 15,000 € për njerëzit që duan të shpërngulen në destinacionin idilik dhe të krijojnë një jetë të re për veten e tyre.
Është krijuar një skemë prej 38 milionë paundësh, e që shpreson se do të sjellë jetë të re në zonat rurale të Sardenjas teksa popullsia shkon në rënie.
Paratë e dhëna për të ardhurit kërkohet të përdoren për të blerë ose rinovuar një pronë dhe shuma e grantit nuk mund të jetë më shumë se gjysma e çmimit të blerjes ose rinovimit të shtëpisë. Krahas kësaj, prona duhet të jetë e vendosur në një qytet që ka më pak se 3,000 banorë dhe ju duhet të regjistroni vendbanimin tuaj në Sardenjë brenda 18 muajve nga mbërritja juaj, raporton Travel Tomorrow.
Kjo nuk është hera e parë që qeveria italiane përpiqet të tërheqë njerëz të rinj në vend, muajin e kaluar ajo njoftoi shtesa të njëhershme prej 200€ për punëtorët sezonalë, në një lëvizje të krijuar për të ndihmuar në lehtësimin e mungesës së fuqisë punëtore.
