Mediat britanike shkruajnë se kriminelët shqiptarë të dënuar për drogë dhe dhunë po kthehen në vendin e tyre fshehurazi.
Të paktën pesë kriminelë të rrezikshëm të deportuar për krime janë burgosur në 18 muajt e fundit pasi u kthyen në Britani për të vazhduar të drejtojnë “perandoritë e tyre të krimit”.
The Telegraph ka zbuluar identitetin e 5 shqiptarëve, emigrantë të paligjshëm, të cilët kanë mundur t’i shpëtojnë depërtimit disa herë dhe janë kthyer në Britaninë e Madhe për të vazhduar aktivitetin.
Sipas raportit, janë 5 shqiptarë të rrezikshëm të deportuar për krime të ndryshme, përfshirë përdorimin e armëve të zjarrit dhe shpërndarjen e kultivimin e kanabisit.
“Më shumë shqiptarë po i drejtohen kontrabandistëve për të kaluar Kanalin Anglez me varka të vogla, duke përbërë katër në 10 nga të gjitha mbërritjet gjatë një periudhe gjashtëjavore këtë verë.
Kriminelët shqiptarë përfaqësojnë grupin më të madh të shtetasve të huaj në burgjet e Britanisë së Madhe, me më shumë se 1500 të burgosur. Ata përbëjnë rreth 10 për qind të të burgosurve të huaj të burgjeve, nga dy për qind në 2013. Rreth 487 u dëbuan këtë vit, dyfishi i numrit të një viti më parë”, shkruan The Telegraph.
Gazeta zbulon pesë shqiptarët e rrezikshëm:
Një gangster shqiptar, i cili u kthye fshehurazi në Britaninë e Madhe, pasi u deportua dhe jetoi i lirë për vite me radhë, më në fund u kap me dy armë dhe kanabis me vlerë 70,000 paund.
I pari është Mauricio Myftaraj , i dënuar me 15 vite burg për armë zjarri dhe drogë, pasi policia kontrolloi shtëpinë e tij, ku i gjetën edhe 40 gëzhoja, barut dhe 20 mijë paund cash.
Myftaraj u deportua dhe iu ndalua kthimi në vitin 2015, pasi u burgos për një vepër të armëve tre vjet më parë. Ai arriti të kthehej ilegalisht dhe vazhdoi përfshirjen e tij në krimin e rëndë dhe të organizuar.
Një tjetër tregtar droge, Jenson Duke, u kap me më shumë se 10,000 paund kokainë dhe një thikë pasi u kthye pasi u dëbua. Ai u burgos në Gjykatën e Maidstone Crown për tre vjet dhe që atëherë është deportuar.
Flogert Farruku, i gjetur duke punuar si “kopshtar” në një fermë kanabisi prej 60,000 £, më parë ishte deportuar pasi ishte kapur duke bërë saktësisht të njëjtën punë. Tani ai është arrestuar sërish dhe pasi të lirohet do të përballet sërish me deportim.
Arjan Kikija, trafikant droge, i cili tashmë ishte deportuar përpara se të kthehej në Basildon, u përpoq të mashtronte policinë me dokumente false. Ai u burgos për më shumë se dy vjet pasi u kap me dokumente të falsifikuara dhe armë dhe u deportua për herë të dytë.
Gramoz Tota, 33 vjeç, i cili u arrestua në Britaninë e Madhe në gusht 2020 me një urdhër nga Shqipëria, besohet të jetë i lirë në Britani pasi u lirua nga magjistratët londinez. Gjyqtari vendosi se Tota e kishte vuajtur dënimin ndërsa ishte në paraburgim në procedurë ekstradimi.
Gazeta shkruan më tej se “Bandat shqiptare, të cilat tradicionalisht kanë dominuar importin dhe shitjen e kokainës, po pushtojnë gjithnjë e më shumë tregun e fermave të kanabisit duke shfrytëzuar ligjet moderne të skllavërisë për të shmangur ndjekjen penale”.
Hetuesit thonë se shqiptarët sollën një profesionalizëm të pamëshirshëm në kultivimin e kanabisit që ka zëvendësuar vietnamezët si burimi kryesor i prodhimit vendas të drogës, përfundon artikulli i The Telegraph.
