Në Korenë e Veriut, ku shumëçka është e ndaluar, çudirat nuk janë të pakta!
Lideri i vendit, Kim Jong-un ka një mbrojtje të re kundër vrasjes së tij, duke ndërtuar disa pallate të reja në “qytetin e tij të ndaluar” në mënyrë që armiqtë të mos mund ta dinë kurrë se ku po fle, shkruan Daily Mail.
Tetë shtëpitë luksoze janë ndërtuar në kompleksin Ch’angkwangsan, një pronë e fshehtë në zemër të Pyongyangut. Eksperti Michael Madden tha se një arsye potenciale e ndërtimeve ishte që të mos dihej se ku qëndronte lideri korean.
“Nëse mendon se ai është në njërën shtëpi, mendohu edhe një herë, ai mund të jetë në tjetrën”, tha ai.
Kjo është një taktikë paranojake që i referohet Qin Shi Huang, perandorit të parë të Kinës, i cili thuhej se flinte në një vend të ndryshëm çdo natë për t’u shpëtuar vrasësve.
