Një mrekulli ka ndodhur në qytetin e Teksasit, Dallas, ku një shofer autobusi i dhe ndihmësi i tij kanë arritur të shpëtonin dy fëmijë të cilët rrezikonin të mbyteshin.
Dy fëmijët kishin rënë në shtratin e lumit, dhe rrezikonin të merreshin nga rryma, ndërsa qëndronin të varur në degën e një peme.
Rruga nuk ishte shumë e frekuentueshme, por shoferi rastësisht kaloi në të, dhe dëgjoi të bërtiturat e dy fëmijëve. Më pas, së bashku me ndihmësin e tij, ata nxituan për t’u ardhur në ndihmë.
Ata lidhën rripat e sigurimit së bashku për të shpëtuar fëmijët, të cilët ishin varur në pemë gjatë përmbytjeve në juglindje të Dallasit.
“Duhet të ishte Zoti që na dërgoi në atë rrugë sepse normalisht nuk shkojmë andej”, tha shoferi Simone Edmond.
Në ndihmë u erdhën dhe banorët që jetonin pranë lumit.
Gjithë skena u filmua nga ndihmësi i shoferit, ndërsa veprimi i tyre heroik u bë viral.
