Emigrantët shqiptarë që kalojnë Kanalin do të përballen me policinë shqiptare në Dover për të kontrolluar të dhënat e tyre kriminale. DailyMail raporton se policia shqiptare do të ndihmojë forcat kufitare të Mbretërisë së Bashkuar duke kontrolluar shenjat e gishtërinjve dhe të dhënat biometrike të migrantëve në bazat e tyre të të dhënave.
Departamenti i drejtësisë në Britani, Home Office do të presë sot një delegacion nga policia e Shqipërisë për të finalizuar marrëveshjen e arritur mes dy vendeve disa ditë më parë.
Disa ditë më parë, Ministrja e Brendshme, Priti Patel njoftoi për arritjen e marrëveshjes, ku ndër të tjera sqaroi se kjo do të përshpejtojë procedurat për ekstradimin e shqiptarëve.
Nëse emigrantët kërkojnë azil, atëherë do të kryhet verifikimi i të shkuarës së emigrantëve. Nëse rezultojnë të pastër, ata do të mund të marrin leje qëndrimi, në të kundërt, do të ekstradohen menjëherë në Shqipëri përmes avionëve që do të merren me qira nga Home Office.
Tabloidi britanik thotë se Mbretëria e Bashkuar, ka paguar një shumë prej 1 mln paundësh për Drejtorinë e Policisë së Tiranës në mënyrë që ata të përpunojnë informacionet për emigrantët e paligjshëm që ekstradohen.
“Të dhënat biometrike do të na ndihmojnë ne që të identifikojmë çdo shqiptar i cili është në kërkim nga autoritetet vendase” – thotë një burim për median britanike.
