Një anije mallrash që transportonte 3,000 ton misër nga Ukraina, pati probleme gjatë lundrimit në ngushticën e Bosforit në Stamboll, të enjten.
Sipas mediave turke, frika ka qenë e madhe te ata që banojnë buzë Bosforit por edhe e anijet e tjera që lundronin, pasi timoni i “LADY ZEHMA” ishte kyçur duke dalë jashtë funksionit.
Reuters raporton se për pasojë është bllokuar trafiku edhe për mjetet e tjera të lundrimit.
Zyra e guvernatorit të Stambollit tha se anija 173-metra “Lady Zehma” ishte ankoruar në mënyrë të sigurt pas një dështimi të sistemit të drejtimit rreth orës 1800 GMT. Askush nuk u lëndua duke përfshirë dhe rojet bregdetare.
Ukrayna’dan gelen "Lady Zehma" isimli kargo gemisi, dümen arızası nedeniyle İstanbul Bebek'te karaya oturdu. Kaza nedeniyle Boğaz trafiği askıya alındı. pic.twitter.com/aHCBmAFBns
— NTVRadyo (@ntvradyo) September 1, 2022
Gjithsesi, informacionet që qarkullojnë në mediat e huaja bëjnë me dije se anijes mund t’i jetë dhënë fillimisht udhëzime të gabuara që në momentin kur u mësua dëmi.
Sipas qendrës së përbashkët të koordinimit të OKB-së, Ukrainës, Rusisë dhe Turqisë për eksportin e drithit ukrainas, Lady Zehma u nis më 30 gusht nga Chornomorsk, Ukrainë, me destinacion Ravenna, Itali, dhe po transporton 3000 ton misër.
