Në seancën e fundit të merkatos së verës, një nga transferimet më të përfolura ishte ajo e Antonio Rudiger te Real Madridi.
Mbrojtësi gjerman arriti në “Santiago Bernabeu” pa asnjë kosto, pasi kontrata e tij me Chelsea skadoi në fund të qershorit 2022. Në çdo rast, paga e propozuar nga klubi i Florentino Perez, e cila është rreth 9 milionë euro neto në sezon, nuk ishte arsyeja kryesore e zgjedhjes së tij.
Saif Rubie, agjenti i lojtarit, foli për negociatat që e çuan Rudiger te “Los Blancos”, duke zbuluar një sfond për mikrofonat e talkSPORT: “Oferta e Real Madridit ishte më e ulëta.
Kishte një klub të Premier League që ofroi gati dyfishin dhe një tjetër në Europë që do ta kishte dyfishuar plotësisht ofertën”.
Në çdo rast, agjenti i Rudiger përfundoi duke thënë se “Chelsea nuk bëri asnjë përpjekje për ta mbajtur Rudiger, pavarësisht dëshirës së lojtarit për të qëndruar”.
