Global Dream II, një nga anijet turistike më të mëdha në botë të të gjitha kohërave, rrezikon të shitet për skrap para se të niset në udhëtimin e saj të parë.
Anija e lundrimit me vlerë një miliard paund, e cila ka kapacitet për të transportuar mbi nëntë mijë njerëz, ka kushtuar deri më tani 1.2 miliardë paund për t’u ndërtuar.
Ndërtimi i anijes ishte në përfundim, kur kompania MV Werften që po e ndërtonte shpalli falimentin në fillim të vitit 2022.
Deri më tani, ende s’është gjetur një blerës për anijen, e cila përmban një kinema luksoze në bord dhe me një park ujor. Kjo mund të çojë në shkatërrimin e anijes së lundrimit.
Ndërkohë ka ende shumë punë për përfundimin e saj me plotësimin me disa pajisje dhe vende pasagjerësh, edhe pse fizikisht është në rregull.
Ekspertët e industrisë së transportit, TradeWinds, thanë se Global Dream II “nuk do të kishte probleme për të gjetur një blerës në një treg të fortë lundrimi”.
“Përballemi me afatin për ta nxjerrë nga porti i saj i ndërtimit deri në fund të vitit 2023,” tha TradeWinds, riciklimi i anijes në Turqi është zgjidhja e fundit që Morgen shpreson të shmangë.
Global Dream II së bashku me një tjetër anije gjigante të linjës simotër, Global Dream, e cila është gjithashtu në treg, po ruhen në një kantier detar në Wismar, Gjermani, ndërsa kompania kërkon një blerës.
Administratori i MV Werften, Christoph Morgen tha se kantieri i anijeve Wismar i është shitur njësisë detare të Thyssenkrupp për të ndërtuar anije ushtarake.
Kjo nënkupton që dy anijet gjigante të lundrimit do të duhet të jenë jashtë deri në vitin 2023.
Duhet të theksohet se operatorët e lundrimit janë goditur nga pandemia COVID-19 së bashku me pjesën tjetër të industrisë globale të udhëtimit.
