Tërmeti i fortë prej 5.4 ballë i shkallës Rihter që ndodhi në orën 10:36 të mëngjesit të së enjtes në zonën detare mes Kefalonisë dhe Zakynthos ka tërhequr vëmendjen e sizmiologëve.
Sipas Protothemës, edhe pse nuk ka patur të lënduar apo dëme materiale, si pasojë e tërmetit, disa shkëmbinj u shkëputën nga plazhi Navagio në Zakinthos, siç kishte paralajmëruar sizmologu Gerasimos Papadopoulos pak 24 orë më parë.
“Ishte një tërmet i dukshëm në Kefaloni dhe Zakynthos. Në këto zona priten padyshim pasgoditje, madje dua të them se tërmeti i sotëm ka ndodhur në të njëjten thyerje si tërmeti i madh i Kefalonisë në vitin 2014, ai që ekziston midis Kefalonisë dhe Lefkadës. Duhet vëmendje, nuk jemi të shqetësuar, ne po e monitorojmë”, tha për protothema.gr, presidenti i OASP, Efthymios Lekkas.
Vihet re se deri në orën 11:16 të mëngjesit të së enjtes ka pasur edhe 7 tërmete të tjera në zonën e gjerë me magnitudë më të madhe se 3.7 ballë të shkallës Rihter.
Siç shpjegoi drejtori i Institutit Gjeodinamik, Akis Tselentis, për tërmetin 5.4 Rihter “është një zonë në të cilën ka një thyerje të madhe në perëndim të Kefalonisë, në pjesën jugore kemi pasur tërmetin dhe është pika ku zhytet pllaka.”
Nga ana e tij, profesori i gjeologjisë Gerasimos Papadopoulos në postimin e tij në Facebook theksoi se praktikisht nuk ka asnjë rrezik me të dhënat e deritanishme. Megjithatë, ende nuk janë të sigurt nëse ishte tërmeti kryesor.
Tërmeti me magnitudë 5.4 Rihter është ndjerë veçanërisht në Lixouri, siç tha kryebashkiaku i Lixourit, Giorgos Katsivelis, epiqendra e tërmetit ishte në zonën detare pranë Lixourit dhe ishte veçanërisht i dukshëm.
“E vërteta është se bota dhe të gjithë ne ishim të shqetësuar, por deri më tani nuk kemi asnjë raport për dëme. Ekuipazhet tona kanë dalë në rrugë me inxhinierë dhe mbrojtje civile duke kontrolluar për probleme në rrugë, ndërtesa, fshatra dhe komunitete. Jemi të shqetësuar dhe do të bëjmë një kontroll të plotë, sepse kemi ende mbeturina nga tërmeti i madh i 2014-ës. Duhet të jemi të kujdesshëm.” tha ai.
