Real Madridi rifitoi vendin e parë në listën e Forbes të klubeve më të vlefshme të futbollit, përpara Barcelonës dhe Manchester United.
Paris Saint-Germain ( PSG) është klubi që e ka rritur më shumë vlerën e tij në ‘top 10’ të klubeve të futbollit, 280% në pesë vjet, sipas listës së Forbes që analizon 12 muajt e fundit.
Forbes analizoi 50 entitetet sportive më të vlefshme në botë, ndër të cilat vendosi tetë në futboll në një listë në të cilën shumica janë nga futbolli amerikan dhe NBA. Real Madrid renditet si klubi i parë i futbollit, në vendin e trembëdhjetë në renditjen globale.
Klubi spanjoll, fitues i 14 titujve të Champions League, ka një vlerë prej 5.1 miliardë dollarësh, pak më shumë se 5 miliarda e Barcelonës, e cila kishte marrë kryesimin në listën e mëparshme.
Manchester United (4,6 miliardë), Liverpool (4,45 miliardë) dhe Bayern Munich (4,28 miliardë) kompletojnë ‘top-5’. Manchester City ndjek nga pas, me 4,25 miliardë. Në vendin e shtatë është PSG, me 3.2 miliardë, përpara Chelsea (3.1 miliardë).
Juventusi i Torinos (2,45 miliardë) dhe Tottenham Hotspur (2,35 miliardë) mbyllin ‘top-10’. Atlético de Madrid është në vendin e trembëdhjetë, me 1,5 miliardë.
