Ndeshja Cadiz-Barcelona po vazhdonte normalisht në ‘Nuevo Mirandilla’ kur në minutën e 82-të gjyqtari Del Cerro Grande kuptoi se diçka po ndodhte në tribunë. Tifozët kërkonin një urgjencë mjekësore dhe arbitri e ndërpreu me shpejtësi lojën.
Ky vendim ishte kyç që të gjithë të mobilizoheshin me objektivin e vetëm për t’i shpëtuar jetën tifozit, i cili kaloi pesë minuta pa puls. Barcelona i dorëzoi një defibrilator portierit Ledesma në mënyrë që ai ta hidhte urgjentisht në tribunë.
Kryqi i Kuq ka mbërritur në vendngjarje në kohë për të parandaluar tragjedinë. Për më shumë se gjysmë ore pati heshtje në ‘Nuevo Mirandilla’. Lojtarët luteshin në fushë, ndërsa gjyqtari u kërkonte të shkonin në dhomat e zhveshjes, duke pritur lajmin e mirë për të mbërritur nga tribuna.
Tifozi mundi të evakuohej me barelë dhe loja rifilloi me imazhin e Ansu Fatit duke u kërkuar falje tifozëve të Cádiz pas shënimit të golit të tretë. Tre pikët i shkuan Barcelonës (0-4), por kjo ishte më e pakta. Ndjenja se një jetë ishte shpëtuar në ‘Nuevo Mirandilla’ ishte një triumf i përbashkët nga të gjithë.
Cádiz ka lëshuar një deklaratë, duke falënderuar për bashkëpunimin e ofruar: “Protokolli i ndihmës së Kryqit të Kuq hyri shpejt në veprim, duke ndihmuar një burrë në arrest kardiak. Një nga ekipet mjekësore shkoi në tribuna me defibrilator dhe monitor, duke filluar detyrat e reanimacionit. Në të njëjtën kohë, Barcelona ofroi një defibrilator të dytë në rast se do të ishte i nevojshëm përdorimi i tij, duke u zhvendosur në zonë nga vetë lojtarët.
Ndihma rezultoi pozitive pas disa minutash dhe tifozi u transferua në ICU të spitalit ‘Puerta del Mar’ ku qëndron i shtruar. Përveç kësaj, një nga operatorët e kamerës pësoi humbje ndjenjash që gjithashtu u trajtua shpejt nga stafi mjekësor i stadiumit pa pasoja të mëdha”.
