Mundësia e “artë”/ Dëmtohet Calhanoglu, Asllani dhe Mkhitaryan marrin dirigjencën

113 563 lexime

124,178FansaPëlqeje

Interi duket se i ka lënë pas tri disfatat e këtij sezoni (Lazio, Milan e Bayern) pas rikthimit te fitorja fillimisht në kampionat ndaj Torinos e më pas edhe në Champions League ndaj Viktoria Plzenit.

Pikërisht kur mekanizmat e Inzaghit nisën të funksiononin, një dëmtim mund t’ia prishë planet trajnerit zikaltër.

Hakan Calhanoglu ka pësuar një tërheqje muskulare në kofshën e majtë, një dëmtim jo i panjohur në Appiano Gentile.

E njëjta diagnozë po mban larg fushave edhe Romelu Lukakun që prej javës së fundit të gushtit, një shembull aspak optimist.

Por pavarësisht se pritet që edhe rikuperimi i turkut të ketë të njëjtin ritëm me atë të belgut, e sigurt deri më tani është mungesa e tij në ndeshjen e së dielës ndaj Udinezes.

Edhe pse të tjera ekzaminime më të thelluara do të bëhen javën e ardhshme dhe do të përcaktojnë saktë kohën e rikthimit të tij, mesfushori do të ketë në favor pauzën e kombëtareve falë së cilës nuk do të humbasë shumë ndeshje të zikaltërve.

Nëse do të konfirmohet ndalesa njëmujore si në rastin e belgut, rreziku për Calhanoglu është që jo vetëm të humbasë sfidën me Romën, por edhe dy ndeshjet e radhës në Champions ndaj Barcelonës.

Por deri atëherë, Inzaghi duhet të plotësojë fillimisht boshllëkun që do të lërë 28- vjeçari ndaj friulanëve të dielën, kur ishte projektuar titullar.

Tani kartat në dispozicion janë tri, por përveç Gagliardin-it, “të përfituarit” e mëdhenj mund të jenë Mkhitaryan e Asllani.

Mkhitaryan është në rolin e tij natyral në vendin e turkut, arsye për të cilën u afrua në skuadër.

Armeni, falë karakteristikave dhe përvojës, është patjetër në “pole” për të zëvendësuar Calhanoglu-në, aq më tepër pasi ka treguar se arrin t’ia transmetojë skuadrës gjithë eksperiencën dhe qetësinë e tij e jo më kot e ka nisur titullar ndaj Bayern-it në Champions.

Lexo edhe :  Barcelona merr lajmin e keq para ndeshjeve të rëndësishme, dëmtohet titullari

Por Asllani nuk duhet anashkaluar. Inzagi specifikoi se elbasanasi mund të bënte edhe fantazistin, pavarësisht se e shikonte më shumë si zëvendës-Brozovic.

Zikaltrit, ama, mund të shfrytëzojnë të gjithë energjinë e 20- vjeçarit, që mund të luajë kudo në mesfushën me tre, madje mund të marrë edhe vendin e Barelës.

Kristjani, pak i përdorur deri më tani dhe që luan mirë me të dyja këmbët, mbart me vete efektin surprizë dhe është një xhol që Inzaghi mund të zgjedhë ta luajë në çdo moment.

Të fundit

Italia përgatitet për Kupën Botërore të Tiramisusë/ Kërkon 100 degustues vullnetarë

Italia përgatitet për një nga garat më të ëmbla në botë, për Kupën Botërore të Tiramisu 2025. Këtë vit, eventi...

Hamasi: Gati për një marrëveshje gjithëpërfshirëse dhe lirimin e pengjeve

Në një deklaratë zyrtare, Hamasi njoftoi gatishmërinë e tij për të arritur një marrëveshje gjithëpërfshirëse për t'i dhënë fund luftës dhe për të liruar...

Flutura Açka: Deputeti i PD-së shkarkoi numëruesin sepse nuk po vidhte vota!

Gjatë intervistës së saj për programin “Dekalog” të Roland Qafokut në DritareTV, Flutura Açka rrëfeu për përvojat e saj gjatë fushatës së 2021-shit dhe...

Pas negociatave, festivali i Sanremos do të vazhdojë në qytetin bregdetar

Pas dy ditësh pune të frytshme dhe intensive, është arritur një marrëveshje midis Bashkisë së Sanremos dhe RAI-t gjatë fazës së negociatave në lidhje...

Rusia shpall të padëshiruar institutin britanik, ‘preket’ edhe profesori shqiptar

Përmes një njoftimi, Prokuroria e Përgjithshme e Rusisë ka ndaluar veprimtarinë e organizatës joqeveritare britanike Instituti Mbretëror i Shërbimeve të Bashkuara për Studime të...

Lajme të tjera

Web TV