Presidenti Joe Biden e ka shpallur pandeminë të përfunduar në SHBA.
Biden tha se situata po përmirësohet me shpejtësi. Kreu i Organizatës Botërore të Shëndetësisë (OBSH) tha javën e kaluar se fundi i pandemisë është “në horizont”.
Në një intervistë me 60 Minutes në CBS, Biden tha se SHBA është ende duke bërë shumë punë për të kontrolluar virusin.
“Nëse e vëreni, askush nuk mban maska. Të gjithë duket se janë në formë mjaft të mirë…Unë mendoj se situata po ndryshon”, tha ai.
Pandemia e shkaktuar nga Covid-19 i ka sjellë qytetarëve në mbarë botën shqetësime të shumta. Rasti i parë u identifikua nga një shpërthim në Wuhan, Kinë, në dhjetor 2019, teksa në Shqipëri dy rastet e para u regjistruan në 8 mars 2020.
